शिव स्तोत्र।आदि अनादि अनंत अखंड | By B R Nagina |
आदि अनादि अनंत अखंड अभेद अखेद सुबेद बतावैं ।
अलख अगोचर रूप महेस कौ जोगि-जति-मुनि ध्यान न पावैं
आगम निगम पुरान सबै इतिहास सदा जिनके गुन गावैं ।
बड़भागी नर-नारि सोई जो सांब-सदाशिव कौं नित ध्यावैं
सृजन सुपालन-लय-लीला हित जो विधि-हरि-हर रूप बनावैं ।
एकहि आप बिचित्र अनेक सुबेष बनाइ कैं लीला रचावैं
सुंदर सृष्टि सुपालन करि जग पुनि बन काल जु खाय पचावैं ।
बड़भागी नर-नारि सोई जो सांब-सदाशिव कौं नित ध्यावैं
अगुन अनीह अनामय अज अविकार सहज निज रूप धरावैं ।
परम सुरम्य बसन-आभूषण सजि मुनि-मोहन रूप करावैं
ललित ललाट बाल बिधु विलसै रतन-हार उर पै लहरावैं ।
बड़भागी नर-नारि सोई जो सांब-सदाशिव कौं नित ध्यावैं
अंग विभूति रमाय मसान की विषमय भुजगनि कौं लपटावैं ।
नर- कपाल कर मुंडमाल गल, भालु-चरम सब अंग उढावैं
घोर दिगंबर, लोचन तीन भयानक देखि कैं सब थर्रावैं ।
बड़भागी नर-नारि सोई जो सांब-सदाशिव कौं नित ध्यावैं
सुनतहि दीन की दीन पुकार दयानिधि आप उबारन धावैं ।
पहुँच तहाँ अविलंब सुदारुन मृत्यु को मर्म बिदारि भगावैं
मुनि मृकंडु-सुत की गाथा सुचि अजहुँ बिग्यजन गाइ सुनावैं ।
बड़भागी नर-नारि सोई जो सांब-सदाशिव कौं नित ध्यावैं
चाउर चारि जो फूल धतूर के, बेल के पात औ पानी चढ़ावैं ।
गाल बजाय कै बोल जो ‘हर हर महादेव’ धुनि जोर लगावैं
तिनहिं महाफल देय सदाशिव सहजहि भुक्ति-मुक्ति सो पावैं ।
बड़भागी नर-नारि सोई जो सांब-सदाशिव कौं नित ध्यावैं
बिनसि दोष दुख दुरित दैन्य दारिद्रय नित्य सुख-शांति मिलावैं ।
आसुतोष हर पाप-ताप सब निरमल बुद्धि-चित्त बकसावैं
असरन-सरन काटि भवबंधन भव निज भवन भव्य बुलावैं ।
बड़भागी नर-नारि सोई जो सांब-सदाशिव कौं नित ध्यावैं
औढरदानि उदार अपार जु नैकु-सी सेवा तें ढुरि जावैं ।
दमन असांति, समन सब संकट, विरद बिचार जनहि अपनावैं
ऐसे कृपालु कृपामय देव के क्यों न सरन अबहीं चलि जावैं ।
बड़भागी नर-नारि सोई जो सांब-सदाशिव कौं नित ध्यावैं
Shiv Stitra | Aadi Anaadi Anant Akhand | By B R Nagina |
Aadi anaadi anant akhand abhed akhed subed batavain,
Alakh agochar roop Mahes kau jogi-jati-muni dhyaan na paavain.
Aagam nigam puraan sabai itihaas sada jinke gun gaavain,
Badbhaagi nar-naari soi jo Saamb Sadaashiv kaun nit dhyaavain.
Srijan supaalan lay leela hit jo Vidhi-Hari-Har roop banaavain,
Ekahi aap bichitra anek subesh banaai kai leela rachaavain.
Sundar srishti supaalan kari jag puni ban kaal ju khaay pachaavain,
Badbhaagi nar-naari soi jo Saamb Sadaashiv kaun nit dhyaavain.
Agun aneeh anaamay aj avikaar sahaj nij roop dharaavain,
Param suramya basan aabhooshan saji muni-mohan roop karaavain.
Lalit lalaat baal bidhhu vilasai ratan-haar ur pai lahraavain,
Badbhaagi nar-naari soi jo Saamb Sadaashiv kaun nit dhyaavain.
Ang vibhooti ramaay masaan ki vishamay bhujagani kaun lapaavain,
Nar-kapaal kar mundmaal gal, bhaal-charam sab ang udhaavain.
Ghor digambar, lochan teen bhayaanak dekhi kai sab thararaavain,
Badbhaagi nar-naari soi jo Saamb Sadaashiv kaun nit dhyaavain.
Sunat hi deen ki deen pukaar dayaanidhi aap ubaarn dhaavain,
Pahunch taha avilamb sudaarun mrityu ko marm bidaar bhagaavain.
Muni Mrikandu-sut ki gaatha suchi ajahun bigyajan gaai sunaavain,
Badbhaagi nar-naari soi jo Saamb Sadaashiv kaun nit dhyaavain.
Chaur chaar jo phool dhatoor ke, bel ke paat au paani chadhaavain,
Gaal bajaai kai bol jo “Har Har Mahadev” dhuni jor lagaavain.
Tini mahaaphal dey Sadaashiv sahajahi bhukti-mukti so paavain,
Badbhaagi nar-naari soi jo Saamb Sadaashiv kaun nit dhyaavain.
Binas dosh dukh durit dainy daaridrya nitya sukh-shaanti milaavain,
Aasutosh har paap-taap sab nirmal buddhi-chitt bakasaavain.
Asaran-saran kaati bhav-bandhan bhav nij bhavan bhavya bulaavain,
Badbhaagi nar-naari soi jo Saamb Sadaashiv kaun nit dhyaavain.
Audhardaani udaar apaar ju naikusi seva ten dhuri jaavain,
Daman asaanti saman sab sankat virad bichaar janahi apnaavain.
Aise kripaalu kripamay Dev ke kyon na saran abhi chal jaavain,
Badbhaagi nar-naari soi jo Saamb Sadaashiv kaun nit dhyaavain.
Download Lyrics in English || Download Lyrics in Hindi
